QR Energetika ministri Qanat Bozymbaev Pavlodar munai óńdeý zaýytynyń iske qosylǵanyn málimdedi, dep habarlaidy "Ult aqparat".
«Pavlodar MÓZ búgin iske qosyldy. Tańerteń bas direktorymen sóilestim, munaidy bastapqy óńdeý qondyrǵysy óz jumysyn bastady. Shamamen úsh kúnde joǵary oktandy benzin daiyn bolýy tiis», - dedi ol Ortalyq kommýnikatsiialar qyzmetinde ótken baspasóz máslihatynda.
AI-92 markaly benzinniń jetispeýshiliginen zaýyttar AI-95 shyǵarylymyn azaitty. Q. Bozymbaevtyń aitýynsha, bul másele qarasha aiynda retteledi.
"Qarashada elimizde 270-280 myń tonna benzindi tutyný bolady degen oidamyz. Onyń belgili bir bóligin eldegi úsh munai óńdeý zaýyty esebinen jabamyz. Shymkent jáne Pavlodar MÓZ-derinde artyǵymen jumys júktelmek. Atyraýdaǵy zaýyt jumysyn tómendetemiz, sebebi jeltoqsanda katalitikalyq kreking qondyrǵysyn engizýi tiis", - dedi Qanat Bozymbaev.
Ministrdiń aitýynsha, keshe Qazaqstanǵa 64 myń tonna janarmai importtaldy. Qazan aiynyń sońyna deiin el aýmaǵyna taǵy 100 myń tonna benzin jetkiziledi.
