QR Energetika ministriniń mindetin atqarýshy Bolat Aqsholaqov elimizde benzin men dizel otynynyń baǵasy sáýir aiynyń qai kúninen bastap ósetinin aitty, dep habarlaidy QazAqparat.
Osy oraida ol tiisti buiryqtyń jobasy búgin jariialanatynyn málim etti.
«Buiryq búgin jariialansa, 12 sáýirden bastap kúshine enedi. Iaǵni 12 sáýirden Qazaqstanda benzin (AI-92 jáne AI-93) men dizel otynynyń baǵasy ósedi», - dedi B. Aqsholaqov Ortalyq kommýnikatsiialar qyzmetindegi baspasóz máslihatynda.
Budan buryn habarlanǵandai, Qazaqstanda benzin men dizel otynynyń baǵasy ósedi.
Osy turǵyda AI-92 jáne AI-93 markaly benzinge baǵa litrine 182-187 teńgeden 205 teńgege deiin jetkizilmek, ósim – 11%. Dizel otynynyń baǵasy litrine 295 teńgeni quraidy, ortasha eseppen ósim – 20%. Qazir óńirge bailanysty baǵa 230 teńgeden 260 teńgege deiin bolyp tur.
