Benin mańynda Norvegiianyń MV Bonita kemesine qaraqshylar shabýyldap, 9 teńizshisin tutqyndady. Bul týraly ekipajdyń qalǵan músheleri jergilikti bilikke málimdegen, dep habarlaidy dw.com.
JJ Ugland kompaniiasyna tiesili keme Kotoný qalasynyń portynda turǵan kezde shabýyl jasalǵan.
«Biz tótenshe jaǵdaidaǵy sharalar josparyna sáikes áreket etip otyrmyz, tiisti vedomstvolarmen bailanystamyz. Tutqynǵa alynǵan teńizshilerdiń otbasyna qulaǵdar ettik», - dep málimdedi kompaniia ókilderi.
Batys Afrikanyń kei óńirlerinde aqsha talap etý úshin adamdy kepilge alý keń taraǵan jaǵdai. Tamyzda Kamerýn jaǵalaýynda da qaraqshylar MarMalait kemesiniń segiz teńizshisin tutqyndaǵan.
Jalpy, Halyqaralyq teńiz biýrosynyń málimdeýinshe, byltyr halyqaralyq sýlarda 201 qarýly qaraqshylyq bolyp, adamdar urlanǵan.
