Beisenbi kúni Qazaqstannyń Belgiia Koroldigindegi Elshisi Marǵulan Baimuhan halyqaralyq Antverpen portynyń vitse-prezidenti Liýk Arnoýtspen kezdesti, dep habarlaidy QazAqparat.
Kezdesý barysynda qazaqstandyq diplomat Belgiianyń teńiz terminalynyń basshylyǵy men operatorlaryna Batys elderiniń sanktsiialaryna jatpaityn qazaqstandyq júkterdi kemsitpeýge shaqyrdy.
Antverpen porty basshylyǵynyń aitýynsha, ázirge qazaqstandyq júkterdi aýystyryp tieýdi toqtatý jaǵdailary tirkelmegen. Sonymen qatar, EO institýttary men Belgiia federaldy úkimetiniń qazaqstandyq júkterdi buǵattaý týraly sheshimderi joq.
Halyqaralyq Antverpen teńiz portynyń vitse-prezidenti L.Arnoýts Antverpen portynda jumys isteitin teńiz operatorlaryna qazaqstandyq júkterge qatysty shekteý sharalarynyń joqtyǵy týraly qosymsha habarlaitynyna sendirdi.
Belgiianyń Antverpen teńiz porty álemdegi eń úlken 20 porttyń biri jáne Eýropalyq Odaqta 2-shi (Niderlandydaǵy Rotterdam portynan keiin) bolyp tabylady. Port 13000 ga jerdi, 1100 km temir joldy alyp jatyr. Portta 143 myńǵa jýyq jumys orny bar jáne 1000 kompaniia jumys isteidi, ondaǵy Belgiianyń JIÓ úlesi 4,1% quraidy.
