Lejsk ýniversitetiniń zertteýshileri adamnan mysyqqa COVID-19 koronavirýsynyń juqqanyn rastady.
Bul týraly juma kúni Belgiianyń koronavirýs jónindegi ǵylymi komitetiniń basshysy Stiven Van Gýht málim etti, dep habarlaidy "Ult aqparat".
«Bul virýs juqtyrǵan iesimen birge turǵan mysyqqa qatysty. Mysyq onymen tyǵyz qatynasta bolǵan. Bul tek jalǵyz oqiǵa», - dedi virýsolog baspasóz máslihatynda.
Belgiianyń azyq-túlik tizbeginiń qaýipsizdigi jónindegi federaldyq agenttiktiń aqparaty boiynsha, úi janýarlary adamdarǵa nemese basqa da janýarlarǵa virýs bere alatynyna áli de dálel joq. Degenmen, mamandar olarmen bailanysta bolǵan kezde gigiena talaptaryn saqtaýdy usynady.
«Eger aýyryp tursańyz, janýarlarmen bailanyspańyz, olardy ustaǵannan keiin qolyńyzdy jýyńyz. Janýarlardyń betińizge jaqyndaýyna jol bermeńiz», - dep atap ótti vedomstvo ókilderi.
Qazirgi ýaqytta janýarlardyń adamdardan koronavirýs juqtyrýy boiynsha tek úsh jaǵdai belgili bolǵan (Gonkongte 2 it jáne Belgiiada 1 mysyq). Itterde aýrý belgileri baiqalmaǵan, al belgiialyq mysyq tynys alǵanda qinalǵan jáne diareia bolǵan.
Aita keteiik, 11 mln halqy bar Belgiiada koronavirýstan 289 adam qaitys boldy. 7284 adamnan koronavirýs tabyldy.
