Juma kúni Belgiianyń koronavirýsqa qarsy kúres konsýltativtik keńesiniń otyrysy ótip, karantin erejelerin jeńildetý strategiiasy qabyldandy, dep habarlaidy QazAqparat.
«Belgiia koronavirýsqa qarsy kúrestiń keibir sharalaryn resmi túrde jeńildetip, kei sektorlardyń jumysyna basymdyq berdi», - dep málimdedi premer-ministr Aleksandr De Kroo baspasóz máslihaty kezinde.
Ministrler kabineti basshysy eldegi epidemiologiialyq jaǵdai baqylaýda bolsa ǵana mundai jeńildetý sharalary júzege asatynyn atap ótti.
Osylaisha, 8 naýryzdan bastap belgiialyqtar ashyq aspan astynda 10 adamǵa deiin jinala alady. Jerleý rásimine 50 adamǵa deiin qatysýǵa ruqsat etiledi.
13 jasqa deiingi balalarǵa ashyq aspan astynda 25 balaǵa deiin, jabyq ǵimarat ishinde 10 balaǵa deiin qatysa alatyn is-sharalar uiymdastyrýǵa bolady.
15 naýryzdan bastap Belgiia joǵary oqý oryndarynyń stýdentteri aptasyna bir kún sabaqqa baryp, qatysa alady.
Sáýirden bastap ashyq aspan astynda 50 adamǵa deiin qatysatyn dini qyzmetterdi ótkizýge bolady. Biraq maska taǵý men áleýmettik qashyqtyq saqtaý mindetteledi.
Qonaqúi men meiramhanalar tek 1 mamyrdan bastap ashylady. Ashylý qatań tártippen ótedi, onyń ishinde koronavirýstyń bar-joǵyn anyqtaityn jedel test tapsyrý da bar. Qalpyna keltirý jumystarynyń basqa da tustaryn úkimet jaqyn arada tolyqtyrady.
