Hakerler reseilik bankten 100 million rýbldi (1,5 million dollardan asa) urlap ketken. Bul týraly eki derekkóz málimdedi, bireýi aqparattyq qaýipsizdik jáne OB qatysy bar adam, - dep habarlaidy "Kommersant".
Bir nusqa boiynsha, avtomatty bank júiesi buzylǵan, iaǵni bul hakerlik shabýyldyń birinshi túri. Resei banki baspasóz qyzmeti hakerlik shabýyldy rastap otyr, alaida naqty eshteńe aitqan joq. OB ókiliniń málimetinshe óńirlik banktiń filialy shabýylǵa ushyraǵan jáne osy bólimshedegi qarajat urlanǵan.
Hakerler bank júiesine kirip, "Diasoft" kompaniiasy jasaǵan avtomatty bank júiesin buzǵan. ABJ júiesinen aqsha aýyspaly adreske ketken. Eger bul málimet rastalsa, onda bul asa iri kólemdegi urlyq bolyp sanalady.
Júiede jumys isteý úshin, jalpyǵa qol jetimdi jelini qoldanbai, banktyń IT-infrastrýktýrasyn paidalanady. Resei bankteri ABJ júiesinde "Diasoft", TsFT, R-Style Softlab, BIS otandyq kompaniialary qyzmet kórsetedi. "Diasoft" kompaniiasy 300-ge jýyq bankke qyzmet kórsetedi eken, sonyń ishinde Sberbank, Gazprombank, Alfa-bank.
