Sársenbige qaraǵan túni tájik-ózbek shekarasynda shekara beketine shabýyl jasaǵan on bes qarýly sodyr oqqa ushty, taǵy beseýi ustaldy.
Dýshanbe qalasynan 60 kilometr jerde ornalasqan "Sýltanabad" jasaǵynyń №4"Ishkobod" shekara beketine belgisiz bireýler shabýyl jasady, dep habarlady RIA Novosti Tájikstan ulttyq qaýipsizdik memlekettik komitetiniń (UQMK) shekara áskeri basqarmasyna silteme jasap.
Barlyq múshesi betperde kigen bandalyq top bes avtomat qarýyn qolǵa túsirgen. Degenmen shabýyldaýshylardy shekarashylar men militsiia qorshap aldy.
"Qaýipsizdik kúshteri júrgizgen operatsiianyń nátijesinde qorshaýǵa alynǵan qarýly qylmystyq toptyń 15 múshesiniń kózi joiyldy, beseýi ustaldy", - dep habarlady UQMK baspasóz qyzmeti.
Atys kezinde kúsh qurylymdarynan eki adam – shekarashy men politsiia qyzmetkeri qaza tapty.
Sol eki arada Ózbekstan shekara qyzmeti bul shabýyl týraly biletinderin aityp, tájik áriptesterimen tyǵyz bailanysta jumys istep, jaǵdaidy rettep jatqandaryn málimdedi.
Tájikstannyń Ózbekstanmen memlekettik shekarasynyń uzyndyǵy 1,33 myń kilometrden asady.
