سەرسەنبٸگە قاراعان تٷنٸ تەجٸك-ٶزبەك شەكاراسىندا شەكارا بەكەتٸنە شابۋىل جاساعان ون بەس قارۋلى سودىر وققا ۇشتى, تاعى بەسەۋٸ ۇستالدى.
دۋشانبە قالاسىنان 60 كيلومەتر جەردە ورنالاسقان "سۋلتاناباد" جاساعىنىڭ №4"يشكوبود" شەكارا بەكەتٸنە بەلگٸسٸز بٸرەۋلەر شابۋىل جاسادى, دەپ حابارلادى ريا نوۆوستي تەجٸكستان ۇلتتىق قاۋٸپسٸزدٸك مەملەكەتتٸك كوميتەتٸنٸڭ (ۇقمك) شەكارا ەسكەرٸ باسقارماسىنا سٸلتەمە جاساپ.
بارلىق مٷشەسٸ بەتپەردە كيگەن باندالىق توپ بەس اۆتومات قارۋىن قولعا تٷسٸرگەن. دەگەنمەن شابۋىلداۋشىلاردى شەكاراشىلار مەن ميليتسييا قورشاپ الدى.
"قاۋٸپسٸزدٸك كٷشتەرٸ جٷرگٸزگەن وپەراتسييانىڭ نەتيجەسٸندە قورشاۋعا الىنعان قارۋلى قىلمىستىق توپتىڭ 15 مٷشەسٸنٸڭ كٶزٸ جويىلدى, بەسەۋٸ ۇستالدى", - دەپ حابارلادى ۇقمك باسپاسٶز قىزمەتٸ.
اتىس كەزٸندە كٷش قۇرىلىمدارىنان ەكٸ ادام – شەكاراشى مەن پوليتسييا قىزمەتكەرٸ قازا تاپتى.
سول ەكٸ ارادا ٶزبەكستان شەكارا قىزمەتٸ بۇل شابۋىل تۋرالى بٸلەتٸندەرٸن ايتىپ, تەجٸك ەرٸپتەستەرٸمەن تىعىز بايلانىستا جۇمىس ٸستەپ, جاعدايدى رەتتەپ جاتقاندارىن مەلٸمدەدٸ.
تەجٸكستاننىڭ ٶزبەكستانمەن مەملەكەتتٸك شەكاراسىنىڭ ۇزىندىعى 1,33 مىڭ كيلومەتردەن اسادى.
