Búgin belgili jýrnalsit Qýandyq Shamahaiuly Elodadaǵy aýrýhanalardyń birinde kóz jumdy, – dep habralaidy «Ult aqparat».
Qýandyq Shamahaiuly 23 maýsymda COVID-19 juqtyrdy degen kúdikpen jedel járdem qyzmeti arqyly Nur-Sultan qalasyndaǵy aýrýhanaǵa túsken. Búgin jýrnalistiń qaitys bolǵany habarlandy. Qazir ólimniń sebepteri boiynsha tergeý júrgizilip jatyr.
Qýandyq Shamahaiuly – Qazaqstannyń mádeniet qairatkeri ári filologiia ǵylymynyń kandidaty, ádebiettaný dotsenti. Ol 1961 jyly Mońǵoliiada týǵan. Sol eldiń memlekettik ýniversitetinde jýrnalistika mamandyǵy boiynsha bilim alyp, kórkem aýdarmamen ainalysqan.
1993 jyly Madridtegi Halyqaralyq jýrnalister uiymyna múshelikke ótip, BUU men IýNESKO moiyndaǵan «halyqaralyq jýrnalist» degen arnaiy mártebege ie bolǵan.
AQSh, Japoniia, Kolýmbiia, Kanada, Shveitsariia, Qytai, Resei, Mońǵoliia jazýshylarynyń tańdaýly shyǵarmalaryn qazaq tiline aýdardy. Alfreid Nobel atyndaǵy ádebiet syilyǵyn ár jyldarda alǵan jazýshylardyń tańdaýly áńgimelerinen de arnaiy aýdaryp, ádebi basylymdar men portaldar arqyly oqyrmanǵa usyndy. «Taskene», «Sekseýil búrshik jarǵanda» romandarynyń, «Kishkentai adam», «Saǵym jyl» áńgimeleriniń avtory.
Dosai Kenjetai, mádeniettanýshy, professor:
Qýandyq aǵamyz óte parasatty jan edi. Bilimdi edi. Qoǵamda tanityn adam edi. Óziniń mamany, óz isiniń sheberi edi. Áleýmettik jelilerde de dostyǵymyz bar edi, habarlasyp turdyq. Aqyldasyp, keńesip turatynbyz. Marqum endi búgin dúnieden ótti. Arty qaiyrly bolsyn. Eshteńe aita almaimyz. Bári Allanyń isi bolyp tur. Myna indet degen pále jailap, sebep qoi ne bolsa da. Alla «jandy men alamyn, biraq sebebin bireý ottan, bireý sýdan, bireý aýadan kóredi» deidi. Dám tuzy taýsylǵan shyǵar.
Artynda qalǵan otbasyna, jaryna, bala-shaǵasyna ómirin bersin. Alla urpaqtaryna isin jalǵastyrýdy násip etsin. Elimiz aman, jurtymyz tynysh bolsyn!
Suraǵan Rahmetuly, aqyn:
Qýandyq Shamaqai «Uialas tóbetter» (2019), «Kishkentai adam» (2019), «Temir noqta» romandary jaryq kórdi. Eń sońynda «Súrtkish» áńgimesi jaryq kórdi. Eki tildi erekshe keremet meńgergen jazýshy edi. Amal neshik arqaly arǵymaq qańtaryldy! Onyń satiralyq pamfletteri de óz aldyna bólek álem!
Qalamdas áriptesterge dúniejúzindegi qazaq qandastarǵa, marqumnyń otbasyna qaiǵyra kóńil aitamyn!
Marat Ýatqan, qoǵam belsendisi:
Senbeiin desem de Qýandyq Shamahaiuly jazǵan sońǵy aqparattar legi bizben qoshtasqanyn rastaidy. Ajaly neden kelgenin təýelsiz ekspertiza anyqtai alady dep senemiz, eger bizdiń elde ondai múmkindik qalǵan bolsa!
Baqul bol, Qýash! Aldyńnan jarylqasyn! Artyńda qalǵan týystaryńa sabyr bersin! Qaiǵyryp kóńil aitamyn, Seni joqtap otyrǵan týys, dos-jaran, oqyrman, barsha qaýymǵa!
Ǵalymnyń ózi ólse de haty ólmeidi. Qamshynyń qysqa sabyndai myna ómirde jazǵan eńbegiń halqyńmen birge jasaidy.
Halqyń aman bolsyn! Halqyńmen birge Sen de məńgi jasaityn bol!
«Ult» portalynyń ujymy da marqumnyń otbasy men jaqyndaryna qaiǵyra kóńil aitady.
