بٷگٸن بەلگٸلٸ جۋرنالسيت قۋاندىق شاماحايۇلى ەلوداداعى اۋرۋحانالاردىڭ بٸرٸندە كٶز جۇمدى, – دەپ حابرالايدى «ۇلت اقپارات».
قۋاندىق شاماحايۇلى 23 ماۋسىمدا COVID-19 جۇقتىردى دەگەن كٷدٸكپەن جەدەل جەردەم قىزمەتٸ ارقىلى نۇر-سۇلتان قالاسىنداعى اۋرۋحاناعا تٷسكەن. بٷگٸن جۋرناليستٸڭ قايتىس بولعانى حابارلاندى. قازٸر ٶلٸمنٸڭ سەبەپتەرٸ بويىنشا تەرگەۋ جٷرگٸزٸلٸپ جاتىر.
قۋاندىق شاماحايۇلى – قازاقستاننىڭ مەدەنيەت قايراتكەرٸ ەرٸ فيلولوگييا عىلىمىنىڭ كانديداتى, ەدەبيەتتانۋ دوتسەنتٸ. ول 1961 جىلى موڭعولييادا تۋعان. سول ەلدٸڭ مەملەكەتتٸك ۋنيۆەرسيتەتٸندە جۋرناليستيكا ماماندىعى بويىنشا بٸلٸم الىپ, كٶركەم اۋدارمامەن اينالىسقان.
1993 جىلى مادريدتەگٸ حالىقارالىق جۋرناليستەر ۇيىمىنا مٷشەلٸككە ٶتٸپ, بۇۇ مەن يۋنەسكو مويىنداعان «حالىقارالىق جۋرناليست» دەگەن ارنايى مەرتەبەگە يە بولعان.
اقش, جاپونييا, كولۋمبييا, كانادا, شۆەيتسارييا, قىتاي, رەسەي, موڭعولييا جازۋشىلارىنىڭ تاڭداۋلى شىعارمالارىن قازاق تٸلٸنە اۋداردى. الفرەيد نوبەل اتىنداعى ەدەبيەت سىيلىعىن ەر جىلداردا العان جازۋشىلاردىڭ تاڭداۋلى ەڭگٸمەلەرٸنەن دە ارنايى اۋدارىپ, ەدەبي باسىلىمدار مەن پورتالدار ارقىلى وقىرمانعا ۇسىندى. «تاسكەنە», «سەكسەۋٸل بٷرشٸك جارعاندا» روماندارىنىڭ, «كٸشكەنتاي ادام», «ساعىم جىل» ەڭگٸمەلەرٸنٸڭ اۆتورى.
دوساي كەنجەتاي, مەدەنيەتتانۋشى, پروفەسسور:
قۋاندىق اعامىز ٶتە پاراساتتى جان ەدٸ. بٸلٸمدٸ ەدٸ. قوعامدا تانيتىن ادام ەدٸ. ٶزٸنٸڭ مامانى, ٶز ٸسٸنٸڭ شەبەرٸ ەدٸ. ەلەۋمەتتٸك جەلٸلەردە دە دوستىعىمىز بار ەدٸ, حابارلاسىپ تۇردىق. اقىلداسىپ, كەڭەسٸپ تۇراتىنبىز. مارقۇم ەندٸ بٷگٸن دٷنيەدەن ٶتتٸ. ارتى قايىرلى بولسىن. ەشتەڭە ايتا المايمىز. بەرٸ اللانىڭ ٸسٸ بولىپ تۇر. مىنا ٸندەت دەگەن پەلە جايلاپ, سەبەپ قوي نە بولسا دا. اللا «جاندى مەن الامىن, بٸراق سەبەبٸن بٸرەۋ وتتان, بٸرەۋ سۋدان, بٸرەۋ اۋادان كٶرەدٸ» دەيدٸ. دەم تۇزى تاۋسىلعان شىعار.
ارتىندا قالعان وتباسىنا, جارىنا, بالا-شاعاسىنا ٶمٸرٸن بەرسٸن. اللا ۇرپاقتارىنا ٸسٸن جالعاستىرۋدى نەسٸپ ەتسٸن. ەلٸمٸز امان, جۇرتىمىز تىنىش بولسىن!
سۇراعان راحمەتۇلى, اقىن:
قۋاندىق شاماقاي «ۇيالاس تٶبەتتەر» (2019), «كٸشكەنتاي ادام» (2019), «تەمٸر نوقتا» روماندارى جارىق كٶردٸ. ەڭ سوڭىندا «سٷرتكٸش» ەڭگٸمەسٸ جارىق كٶردٸ. ەكٸ تٸلدٸ ەرەكشە كەرەمەت مەڭگەرگەن جازۋشى ەدٸ. امال نەشٸك ارقالى ارعىماق قاڭتارىلدى! ونىڭ ساتيرالىق پامفلەتتەرٸ دە ٶز الدىنا بٶلەك ەلەم!
قالامداس ەرٸپتەستەرگە دٷنيەجٷزٸندەگٸ قازاق قانداستارعا, مارقۇمنىڭ وتباسىنا قايعىرا كٶڭٸل ايتامىن!
مارات ۋاتقان, قوعام بەلسەندٸسٸ:
سەنبەيٸن دەسەم دە قۋاندىق شاماحايۇلى جازعان سوڭعى اقپاراتتار لەگٸ بٸزبەن قوشتاسقانىن راستايدى. اجالى نەدەن كەلگەنٸن تəۋەلسٸز ەكسپەرتيزا انىقتاي الادى دەپ سەنەمٸز, ەگەر بٸزدٸڭ ەلدە ونداي مٷمكٸندٸك قالعان بولسا!
باقۇل بول, قۋاش! الدىڭنان جارىلقاسىن! ارتىڭدا قالعان تۋىستارىڭا سابىر بەرسٸن! قايعىرىپ كٶڭٸل ايتامىن, سەنٸ جوقتاپ وتىرعان تۋىس, دوس-جاران, وقىرمان, بارشا قاۋىمعا!
عالىمنىڭ ٶزٸ ٶلسە دە حاتى ٶلمەيدٸ. قامشىنىڭ قىسقا سابىنداي مىنا ٶمٸردە جازعان ەڭبەگٸڭ حالقىڭمەن بٸرگە جاسايدى.
حالقىڭ امان بولسىن! حالقىڭمەن بٸرگە سەن دە مəڭگٸ جاسايتىن بول!
«ۇلت» پورتالىنىڭ ۇجىمى دا مارقۇمنىڭ وتباسى مەن جاقىندارىنا قايعىرا كٶڭٸل ايتادى.
