Foto: ashyq derekkóz
Bloger Áliia Áshim uly aqyn Abai Qunanbaiulynyń úiin kórsetemin dep synǵa qalǵan edi. Bul áreketi qoǵamda úlken narazylyq týdyrdy, dep habarlaidy Ult.kz.
Ol óziniń ábestigi úshin keshirim surady.
«Sizder úshin «Abaidy qorlaǵan qyz» degen «ataqpen» qalamyn dep esh oilamappyn. Osynda taraǵan Qarqaralydaǵy videonyń ábes bolǵanyn moiyndaimyn. Ony aýyldaǵy ákem de renjip, eskertti. Sondyqtan tabalaý emes, janashyrlyqpen, oryndy syn aitqan aǵa-ápkelerimnen keshirim suraimyn... Meniń Abaidy mazaq etý, qazaqtyń mádeniet, tarihyn qorlaý deitin nietim eshqashan bolǵan emes», - dep jazdy Áliia Áshim óz paraqshasynda.
Aita keteiik Áliia Áshim Abai Qunanbaiulynyń murajai-úiinde túsirilgen videosynda “Abai men Dildá netken bólme” dep aityp, tarih pen uly tulǵanyń esimin kelemej etken. Bul áreketi qoǵamda úlken narazylyq týdyrdy. Kópshilik ony qazaqtyń rýhani murasyna qurmetsizdik tanytty dep aiyptady.
