Foto: 24kz
Qazaqstan Respýblikasy Mádeniet jáne aqparat ministrligi tanymal telejýrnalist, derekti jobalardyń avtory Azat Rystanbektiń ómirden ótýine bailanysty marqumnyń týǵan-týystary men jaqyndaryna, áriptesterine qaiǵyra kóńil aitty, dep habarlaidy Ult.kz.
Azat Rystanbek uzaq jyldar boiy «Qazaqstan» teleradiokorporatsiiasynda qyzmet etip, otandyq jýrnalistikanyń damýyna zor úles qosty. Ol tarihi sana men ulttyq jadyny jańǵyrtýǵa baǵyttalǵan mazmundy jobalar ázirlep, tyń derekti filmder men reportajdar jasady.
Jýrnalistiń shyǵarmashylyq murasynda «Altaidan Anadolyǵa», «Rýsafa: Mańyzdy missiia» siiaqty derekti jobalar, sondai-aq Býhenvald pen Tsaithain sekildi tarihi oryndardan túsirilgen materialdar erekshe oryn alady.
Ministrlik málimdemesinde:
«Óziniń kásibi bilimi men azamattyq ustanymy arqyly jas býynǵa úlgi bola bilgen ardaqty azamattyń jarqyn beinesi týǵan halqynyń jadynda máńgi saqtalady dep senemiz. Marqumnyń jany jánnatta, imany salamat bolsyn», – delingen habarlamada.
