14 sáýirde Qazaqstan sportyna úlken eńbek sińirgen belgili azamat Beket Sapabekuly Mahmutov ómirden ótti, - dep habarlaidy Qazaqstan dziýdo federatsiiasy.
Onyń esimi qazaqstandyq jankúierlerge jaqsy tanys. Ol bokstan Qazaqstannyń eńbek sińirgen bapkeri boldy, sambodan KSRO sport sheberi ataǵyna qol jetkizdi.
B.Mahmutov 1939 jyly Almaty oblysynda dúniege kelgen. Ómiriniń basym bóligin boks jáne dziýdo sportynyń damýyna arnady. 1993-2000 jyldarda elimizdiń boks federatsiiasyna jetekshilik etti. Bul kezeńde qazaqstandyq bylǵary qolǵap sheberleri úsh Olimpiadada turaqty túrde júldegerler qatarynan kórindi. 1996 jyly 1 altyn, 1 kúmis, 2 qola, 2000 jyly 2 altyn, 2 kúmis medal aldy. Ol 1996-2006 jyldarda Halyqaralyq boks federatsiiasynda (AIBA) vitse-prezident qyzmetin atqardy.
Sondai-aq, ol 2009 jyldan bastap elimizdiń dziýdo federatsiiasyna jetekshilik jasap, ony joǵary deńgeige kóterýge kúsh saldy.
Nátijesinde 2009 jyly Maksim Rakov álem chempiony atandy. 2010 jyly Eldos Smetov jastar arasynda sol biikten kórinip, keiinnen eresekter arasynda álem chempiony jáne Olimpiada júldegeri boldy.
