Qazaqstannyń Germaniiadaǵy Elshisi Dáýren Káripov Abai shyǵarmashylyǵynyń aýdarmashysy, belgili nemis ádebiettanýshysy Leonard Koshýtqa II dárejeli «Dostyq» ordenin tabystady, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, atalmysh ataq nemis ádebiettanýshysyna Memleket basshysynyń tapsyrmasy boiynsha uly oishyl, aqyn, qazaq jazba ádebietiniń negizin qalaýshy Abai Qunanbaiulynyń 175-jyldyǵyna orai tapsyrylǵan.
«Joǵary nagradany Elshilik ǵimaratynda saltanatty túrde tabystaý kezinde Elshi L.Koshýtqa Abai týyndylaryn nemis tildi oqyrmandarǵa tanystyrý arqyly Qazaqstan men Germaniia arasyndaǵy dostyq qarym-qatynasty nyǵaitýǵa jyldar boiy shyǵarmashylyq úles qosqany úshin alǵys bildirdi»,-delingen habarlamada.
L.Koshýt 1923 jyly 25 shildede dúniege kelgen. Onyń kásibi qyzmeti orystyń klassikalyq jáne HH ǵasyrdaǵy Sovet Odaǵynyń ádebi shyǵarmalaryn nemis tiline aýdarýmen bailanysty boldy.
QR-dyń GFR-daǵy Elshiliginiń «Qazaq kitaphanasy» jobasy aiasynda 2007 jyly Gerold Belger men birge L.Koshýt Abaidyń «Qara sózderin» nemis tiline aýdardy, al 2018 jyly «Zwanzig Gedichte» dep atalatyn nemis tilindegi Abai óleńderiniń jinaǵyn jariialady.
Sonymen qatar, L.Koshýt Oljas Súleimenovtiń «Kóshpendiler azimýty» atty poeziia jinaǵyn nemis tiline aýdarǵan.
