قازاقستاننىڭ گەرمانيياداعى ەلشٸسٸ دەۋرەن كەرٸپوۆ اباي شىعارماشىلىعىنىڭ اۋدارماشىسى, بەلگٸلٸ نەمٸس ەدەبيەتتانۋشىسى لەونارد كوشۋتقا ٸٸ دەرەجەلٸ «دوستىق» وردەنٸن تابىستادى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, اتالمىش اتاق نەمٸس ەدەبيەتتانۋشىسىنا مەملەكەت باسشىسىنىڭ تاپسىرماسى بويىنشا ۇلى ويشىل, اقىن, قازاق جازبا ەدەبيەتٸنٸڭ نەگٸزٸن قالاۋشى اباي قۇنانبايۇلىنىڭ 175-جىلدىعىنا وراي تاپسىرىلعان.
«جوعارى ناگرادانى ەلشٸلٸك عيماراتىندا سالتاناتتى تٷردە تابىستاۋ كەزٸندە ەلشٸ ل.كوشۋتقا اباي تۋىندىلارىن نەمٸس تٸلدٸ وقىرماندارعا تانىستىرۋ ارقىلى قازاقستان مەن گەرمانييا اراسىنداعى دوستىق قارىم-قاتىناستى نىعايتۋعا جىلدار بويى شىعارماشىلىق ٷلەس قوسقانى ٷشٸن العىس بٸلدٸردٸ»,-دەلٸنگەن حابارلامادا.
ل.كوشۋت 1923 جىلى 25 شٸلدەدە دٷنيەگە كەلگەن. ونىڭ كەسٸبي قىزمەتٸ ورىستىڭ كلاسسيكالىق جەنە حح عاسىرداعى سوۆەت وداعىنىڭ ەدەبي شىعارمالارىن نەمٸس تٸلٸنە اۋدارۋمەن بايلانىستى بولدى.
قر-دىڭ گفر-داعى ەلشٸلٸگٸنٸڭ «قازاق كٸتاپحاناسى» جوباسى اياسىندا 2007 جىلى گەرولد بەلگەر مەن بٸرگە ل.كوشۋت ابايدىڭ «قارا سٶزدەرٸن» نەمٸس تٸلٸنە اۋداردى, ال 2018 جىلى «Zwanzig Gedichte» دەپ اتالاتىن نەمٸس تٸلٸندەگٸ اباي ٶلەڭدەرٸنٸڭ جيناعىن جارييالادى.
سونىمەن قاتار, ل.كوشۋت ولجاس سٷلەيمەنوۆتٸڭ «كٶشپەندٸلەر ازيمۋتى» اتتى پوەزييا جيناعىن نەمٸس تٸلٸنە اۋدارعان.
