Qazaq til biliminiń kórnekti ókili, filologiia ǵylymdarynyń doktory, professor Nurjamal Oralbaeva 92 jasqa qaraǵan shaǵynda ómirden ótti. Qaraly habardy ál-Farabi atyndaǵy QazUÝ-dyń qazaq til bilimi kafedrasy ujymy Facebook paraqshasynda jariialady.
"Filologiia ǵylymdarynyń doktory, professor Nurjamal Oralbaeva esimi qazaq til biliminde ǵylymi-teoriialyq turǵydan tyń máselelerdi kótergen, qazaq grammatikasynyń 50-90 jyldardaǵy damýyna irgeli eńbekterimen úles qosqan ǵalym retinde belgili. Ǵalymnyń qalamynan týǵan qaitalanbas ǵylymi muralardyń búgingi qazaq ǵylymynda orny erekshe", - dep jazdy kafedra ujymy.
Nurjamal Oralbaeva 1928 jyly Pavlodar oblysy Baianaýyl aýdanynda dúniege kelgen.
1956 jyly professor Sársen Amanjolovtyń jetekshiligimen "Oktiabrden keiingi kezeńdegi qazaq jazýynyń tarihy" degen taqyrypta kandidattyq dissertatsiia qorǵady.
Sol jyly "Qazirgi qazaq tilindegi etistiktiń analitikalyq formanttary" taqyrybynda doktorlyq dissertatsiiasyn qorǵap shyqty.
"Qazirgi qazaq tilindegi etistiktiń analitikalyq formanttary", "Qazirgi qazaq tiliniń morfologiiasy", "Qazirgi qazaq tilindegi san esimniń sózjasam júiesi", Aqqal Qalybaevamen birge jazǵan "Qazirgi qazaq tiliniń morfemalar júiesi", "Qazirgi qazaq tiliniń sózjasam júiesi", "Qazaq tiliniń sózjasamy" atty ǵylymi eńbektiń avtory.
Qazaq tiliniń grammatikasy, jalpy til bilimi máselelerine arnap 100-den asa ǵylymi maqala jazǵan.
