Belgili bloger týysynyń uialy telefony órtenip ketkenin aitty

Belgili bloger týysynyń uialy telefony órtenip ketkenin aitty

Kollaj: Tengrinews.kz

Belgili bloger Dáýlet Muqaevtyń ápkesiniń uialy telefony órtenip ketti, - dep habarlaidy Tengrinews.kz.

Bloger órtengen telefonnyń videosyn Instagram-paraqshasynda jariialady. Videodan smartfon kúl-talqany qalmai órtengenin kórýge bolady. Odan bólek, kei qujat ta órtenip ketken.  

"Tai-qulyndai tebisip ósken ápkemniń telefony. Samsung ózinen-ózi órtenip ketti. Qaltada júrse ne boldy?! 2017 jyly mende de sondai jaǵdai boldy. Samsung batareikasy qyzyp, ol kezde telefon qolda edi. Sol sátte avtobýsta otyrǵan edim. Sóitip, jerge laqtyryp jibergenmin. Telefon tútindep, burqyrap, búkil avtobýsty kók tútin qylyp, jolaýshylar, bárimiz bir tunshyǵa jazdaǵanbyz. Qazir eske tússe kúlkili. Ol kezde kúletindei shama joq edi...", - dep jazdy Dáýlet. 

Bloger oqyrmandaryn telefon ustaǵan kezde saq bolýǵa shaqyrdy.

"Ápkeńizdi qudai saqtapty", "Ne úshin órtengen? Qyzyp turyp pa?", "Telefondy zariadtaǵan kezde cheholyn sheship zariadtaý qajet!", "Qyzyp ketken ǵoi, jaidan-jai órtenbeidi", - dep pikir qaldyrdy oqyrmandary. 

Samsung kompaniiasynyń smartfondary jarylyp ketkeni týraly aqparat buǵan deiin de kóp taraǵan. Mysaly, Galaxy Note 7 smartfony shyqqan kezde kóp adam telefon órtenip ketkenin aityp shaǵymdanǵan edi. Financial Times málimetinshe, sol kezde bir ai ishinde 35 smartfon janyp ketkeni anyqtalǵan. Kompaniianyń ózi keiin jańa smartfondardyń batareiasynda aqaý bolǵanyn jariia etken edi.