بەلگٸلٸ بلوگەر تۋىسىنىڭ ۇيالى تەلەفونى ٶرتەنٸپ كەتكەنٸن ايتتى

بەلگٸلٸ بلوگەر تۋىسىنىڭ ۇيالى تەلەفونى ٶرتەنٸپ كەتكەنٸن ايتتى

كوللاج: Tengrinews.kz

بەلگٸلٸ بلوگەر دەۋلەت مۇقاەۆتىڭ ەپكەسٸنٸڭ ۇيالى تەلەفونى ٶرتەنٸپ كەتتٸ, - دەپ حابارلايدى Tengrinews.kz.

بلوگەر ٶرتەنگەن تەلەفوننىڭ ۆيدەوسىن Instagram-پاراقشاسىندا جارييالادى. ۆيدەودان سمارتفون كٷل-تالقانى قالماي ٶرتەنگەنٸن كٶرۋگە بولادى. ودان بٶلەك, كەي قۇجات تا ٶرتەنٸپ كەتكەن.  

"تاي-قۇلىنداي تەبٸسٸپ ٶسكەن ەپكەمنٸڭ تەلەفونى. Samsung ٶزٸنەن-ٶزٸ ٶرتەنٸپ كەتتٸ. قالتادا جٷرسە نە بولدى?! 2017 جىلى مەندە دە سونداي جاعداي بولدى. Samsung باتارەيكاسى قىزىپ, ول كەزدە تەلەفون قولدا ەدٸ. سول سەتتە اۆتوبۋستا وتىرعان ەدٸم. سٶيتٸپ, جەرگە لاقتىرىپ جٸبەرگەنمٸن. تەلەفون تٷتٸندەپ, بۇرقىراپ, بٷكٸل اۆتوبۋستى كٶك تٷتٸن قىلىپ, جولاۋشىلار, بەرٸمٸز بٸر تۇنشىعا جازداعانبىز. قازٸر ەسكە تٷسسە كٷلكٸلٸ. ول كەزدە كٷلەتٸندەي شاما جوق ەدٸ...", - دەپ جازدى دەۋلەت. 

بلوگەر وقىرماندارىن تەلەفون ۇستاعان كەزدە ساق بولۋعا شاقىردى.

"ەپكەڭٸزدٸ قۇداي ساقتاپتى", "نە ٷشٸن ٶرتەنگەن? قىزىپ تۇرىپ پا?", "تەلەفوندى زاريادتاعان كەزدە چەحولىن شەشٸپ زاريادتاۋ قاجەت!", "قىزىپ كەتكەن عوي, جايدان-جاي ٶرتەنبەيدٸ", - دەپ پٸكٸر قالدىردى وقىرماندارى. 

Samsung كومپانيياسىنىڭ سمارتفوندارى جارىلىپ كەتكەنٸ تۋرالى اقپارات بۇعان دەيٸن دە كٶپ تاراعان. مىسالى, Galaxy Note 7 سمارتفونى شىققان كەزدە كٶپ ادام تەلەفون ٶرتەنٸپ كەتكەنٸن ايتىپ شاعىمدانعان ەدٸ. Financial Times مەلٸمەتٸنشە, سول كەزدە بٸر اي ٸشٸندە 35 سمارتفون جانىپ كەتكەنٸ انىقتالعان. كومپانييانىڭ ٶزٸ كەيٸن جاڭا سمارتفونداردىڭ باتارەياسىندا اقاۋ بولعانىن جارييا ەتكەن ەدٸ.