Álem boksynda tanymal bapker Freddi Roých orta salmaqta WBA (Super), IBO, WBC jáne IBF tujyrymdary boiynsha álem chempiony Gennadii Golovkin (37-0, 33 KO) men amerikalyq Deniel Djeikobstyń (32-2, 29 KO) jekpe-jegine qatysty pikir bildirdi, - dep habarlaidy kaz.vesti.kz.
34 jastaǵy Golovkin 18 naýryzda Niý-Iorkte ótken jekpe-jekte qazylar alqasynyń sheshimimen jeńiske jetken edi. Aitpaqshy, qazaqstandyq 4-shi raýndta Djeikobsty nokdaýnǵa túsirgen edi. Alaida amerikalyq qazaqstandyqqa 12 raýnd boiy shydas bergen birinshi qarsylas boldy.
"Golovkin jeńdi, bul óte jaqsy jekpe-jek boldy. Djeikobs jaqsy judyryqtasty, bir-eki jaqsy soqqy jiberip aldy, esep aiyrmashylyǵy nokdaýnnan kóterildi. Jaqynnan judyryqtasty, biraq Golovkin sózsiz jeńdi. Golovkin qartaiǵandyqtan kezdesý osyndai bolǵan shyǵar, onyń qupiiasy ashyldy nemese ol Djeikobs siiaqty solaqailarmen jóndi judyryqtasa almaidy. Djeikobs ábden tityqtatty. Judyryqtasý mánerine qarap otyryp, Golovkin baiaýlap qalǵandai kórindi. Biraq maǵan osylai kóringeni qarsylasynyń myqtylyǵy shyǵar. Sondyqtan muny da anyqtaýymyz kerek", - dedi Roých Fighthub.com basylymyna bergen suhbatynda.
