Belgili oligarh Timýr Týrlov Resei Fedaratsiiasynyń azamattyǵynan bas tartty, dep habarlaidy Ulysmedia.kz.
Sondai-aq ol elshilik arqyly ýkrainalyqtarǵa kómek retinde milliard teńge aýdarǵan. Endi qiyn jaǵdaida qalǵan kórshi memleketke gýmanitarlyq kómek retinde azyq-túlik jiberýdi josparlap otyr.
Aita keteiik, Timýr Týrlov qazaqstandyq oligarhtardyń tizimine engen bolatyn.
Ol - Amerika Qurama Shtattarynda jáne Qazaqstanda tirkelgen «Freedom Finance» AQ enshiles uiymy arqyly jumys isteitin Freedom Holding Corp. investitsiialyq tobynyń negizin qalaýshy jáne majoritarlyq aktsioneri. Ol búginde «Bank Freedom Finance Kazakhstan» AQ (burynǵy Kassa Nova Bank) ielik etedi. Holding sonymen qatar Reseide, Ózbekstanda, Qyrǵyzstanda, Ýkrainada, Germaniiada jáne Kiprde jumys isteidi.
Ótken jyldyń kókteminde Týrlov Forbes álemdik milliarderler tizimine 2 milliard dollar bailyǵymen engen edi. Qazaqstandyq eń bai biznesmender tiziminde ol 7-shi orynda.
