Belgili aqyn Ánýar Omar 39 jasqa qaraǵan shaǵynda dúnie saldy.
Ánýar Omar - «Shabyt» Halyqaralyq shyǵarmashyl jastar festivaliniń «Ádebiet» nominatsiiasy boiynsha eki ret laýreaty, Halyqaralyq Abai klýby ádebi syilyǵynyń laýreaty, QR Ulttyq akademiialyq kitaphanasy ádebi klýbynyń tóraǵasy. «Shagi proniknoveniia» jyr jinaǵynyń avtory.
Ánýar Omar Ǵalymuly 1979 jyly 15 jeltoqsanda dúniege kelgen. 2005 jyly Sh.Ýálihanov atyndaǵy Kókshetaý memlekettik ýniversitetiniń filologiia fakýltetiniń «Kitaphanataný. Bibliografiia» mamandyǵy boiynsha támamdaǵan.
2001 jyldyń jeltoqsan aiynan bastap ortalyqtandyrylǵan qalalyq kitaphana júiesinde jumys jasaǵan.
2004 jyldyń jeltoqsan aiynan – QR Ulttyq akademiialyq kitaphanada aǵa ǵylymi qyzmetker bolyp jumys jasaǵan.
2007 jyly «Vecherniaia Astana» gazetiniń mádeniet jáne sport bóliminde tilshi qyzmetin atqarǵan.
2009 jyldyń aqpan aiynan bastap – «Respýblika.KZ» gazetiniń bas redaktorynyń orynbasary.
2010 jyldan –«Liter» gazetiniń tilshisi.
2011 jyly – «Tselina» gazetiniń bas redaktorynyń orynbasary jáne «Delovoi vtornik» gazetiniń shef redaktory.
Ol 2012 jyldan bastap «Na straje» gazetiniń bas redaktory qyzmetin atqaryp kelgen bolatyn.
Ult portaly ujymy aqynnyń mezgilsiz qazasyna orai, otbasyna, aǵaiyn-týystaryna qaiǵyra kóńil aitady. Jatqan jeri jaryq, topyraǵy torqa bolsyn!
