Tanymal advokat, Almaty qalalyq advokattar alqasynyń múshesi Djohar Ótebekov eks-ministr Qýandyq Bishimbaevqa qatysty is qalai aiaqtalýy múmkin ekenin aitty, dep habarlaidy "Ult aqparat" El.kz aqparat agenttigine silteme jasap.
Aita keteiik, aiyptalýshy Qýandyq Bishimbaev sýdiaǵa telefonynyń qupiia kodyn aityp, jantúrshigerlik video túsirgeni belgili boldy.
"Ádildik degen sol – sońynda Bishimbaev ózin ózi ustap berdi. Piar-kompaniia uiymdastyryp, sot protsessi kezinde aqtalyp álek boldy. Minezi qubylmaly bolsa da sabyrly kúiinen taimady. Alaida, qylmys kúni mas kúiinde video túsirgeni esinen shyǵyp ketip, keshe telefonynyń qupiia kodyn aitty. Mine, dál sol kezde onyń betperdesi ashyldy", - deidi Djohar Ótebekov.
Onyń aitýynsha, Qýandyq Bishimbaev 25 jylǵa sottalýy múmkin.
"Osylardy eskergende, istiń sońy qalai aiaqtalatynyn aldyn ala boljaýǵa bolady: 25 jyl (múmkin tipti ómir boiy bas bostandyǵynan aiyrylady). Baijanovqa – 4 jyl", - dep jazdy advokat.
