Birneshe kún buryn iske qosylǵan Belarýs atom elektr stantsiiasy elektr energiiasyn óndirýdi toqtatty. Tut.by saity derekkózge súiene otyryp, stantsiiadaǵy birneshe transformatordyń jarylyp ketkenin habarlady.
"Qazir BelAES elektr energiiasyn óndirip jatqan joq" dedi 10 qarashada stantsiia ókili "Interfaks" agenttigine. Ol "stantsiiadaǵy aqaý qashan joiylady" degen suraqqa naqty jaýap bere almaǵan.
Dúisenbi kúni Belarýs energetika ministrligi jabdyqtardy aýystyrý qajettigin aitqan. Tótenshe jaǵdai ministrligi jabdyqty aýystyrý protsesi qaýipsiz dep sendirýge tyrysqan.
Elektr stantsiiasyn reseilik "Rosatom" bólimshesi - "Atomstroieksport" salǵan jáne qarjynyń jartysyn Máskeýdiń ózi quiǵan. Joba 2022 jyly tolyq aiaqtalady dep aitylady.
Elektr stantsiianyń resmi ashylýy 7 qarashada ótken. Oǵan qatysqan Aleksandr Lýkashenko jobanyń iske qosylýyn "Belarýs ómirindegi tarihi sát" dep ataǵan bolatyn. "Memleket iadrolyq derjavaǵa ainalady" dedi Lýkashenko. Al Litva Minskige qarsylyq notasyn jiberip, Belarýs biliginiń "jaýapsyz áreketin" synady. AES salynǵan Ostrovetsten 50 kilometr ǵana jerde turǵan Litva bul joba tutas Eýropaǵa qaýip tóndirip otyr dep esepteidi. BelAES-tiń birinshi energoblogy iske qosylǵannan keiin Vilniýs Belarýsten elektr energiiasyn tasymaldaýdan bas tartqan.
AES qurylysyna belorýs belsendileri de qarsy shyqqan.
Biraq resmi Minsk atom elektr stantsiiasynyń qaýipsiz ekenin, ony salý kezinde barlyq talaptar oryndalǵanyn aityp keledi.
