Belarýs úkimeti jańadan sailanǵan Prezident aldynda otstavkaǵa ketti. Bul týraly búgin Ulttyq quqyqtyq internet portalda resmi túrde jariialandy, dep habarlaidy "Ult aqparat" Belta agenttigine siteme jasap.
«Qujatqa sáikes, el Konstitýtsiiasynyń 106-baby, «Belarýs Respýblikasynyń Ministrler Keńesi týraly» 2008 jylǵy 23 shildedegi № 424-Z zańynyń 9-baby boiynsha Belarýs úkimeti prezident jańadan sailanǵan soń óz ókilettigin toqtatty», - delingen resmi qujatta.
Sheshim qabyldanǵan kúnnen bastap óz kúshine enedi.
Buǵan deiin habarlanǵandai, memleket basshysy Aleksandr Lýkashenko úkimettiń odan ári qarai jumys isteýi úshin qujattardy dereý daiyndaýdy tapsyrǵan bolatyn. Sol kezde Prezident negizinen úkimet qaita jasaqtalǵanyn atap ótti. Sondai-aq qandai da bir kútpegen jaǵdaidyń bolýy múmkin ekenin de málim etti.
