Elordadaǵy Táýelsizdik saraiynda ótip jatqan Shanhai yntymaqtastyq uiymynyń sammitinde Belarýs Respýblikasy Uiymnyń tolyqqandy múshesi boldy.
Belarýs Respýblikasy 2010 jyldan beri Shanhai yntymaqtastyq uiymyna qatysyp keledi. Bastapqyda dialog boiynsha áriptes boldy, keiin baqylaýshy mártebesin aldy.
Osy sammit qarsańynda el Prezidenti Aleksandr Lýkashenko agenttik tilshisine ekskliýzivti suhbat bergen bolatyn.
Aita keteiik, is-sharaǵa Qazaqstan, Iran, Qytai, Qyrǵyzstan, Pákistan, Resei, Tájikstan, Ózbekstan, Belarýs, Mońǵoliia, Ázerbaijan, Qatar, Túrkiia jáne Túrikmenstannyń Memleket pen Úkimet basshylary, BAÁ-den Ras ál-Haima ámirliginiń ámiri, Úndistannyń Syrtqy ister ministri, sondai-aq ShYU Bas hatshysy jáne ShYU Óńirlik terrorizmge qarsy qurylymynyń Atqarýshy direktory qatysyp otyr.
Sammitke sonymen qatar BUU Bas hatshysy jáne TMD, EYU, AÓSShK, UQShU, EEK jáne AQIU siiaqty halyqaralyq uiymdardyń basshylary shaqyrylǵan.
ShYU sammiti alǵash ret «ShYU-ǵa múshe Memleket basshylary keńesiniń otyrysy» jáne «ShYU+» kezdesýi formatynda ótýde.
