Belarýs biligi sportshy Kristina Timanovskaiany Tokiodaǵy Olimpiadadan deportatsiialaýǵa tyrysyp jatyr. Bul týraly sportshy Reuters agenttigine habarlady.
Sportshynyń sózine qaraǵanda, ol Minskige oralmai, Eýropadan saiasi baspana suraýdy josparlap otyr.
2 tamyzda Timanovskaia 200 metrge júgirý boiynsha jarysqa qatysýy tiis bolǵan. Biraq onyń sózinshe, jeksenbi kúni bólmesine qurama qyzmetkerleri kelip, kúshpen áýejaiǵa alyp ketken.
Áýejaida sportshy politsiiaǵa shaǵymdanǵan. Belarýs sport yntymaqtastyq qory Timanovskaiaǵa arasha túsip, Halyqaralyq olimpiada komitetine qaiyryldy. Komitetten kómekti sportshynyń ózi suraǵan.
Timanovskaianyń pikirinshe, deportatsiia týraly sheshimge áleýmettik jelide sheneýnikterdi ótkir synap, jazǵan posty túrtki bolǵan.
Olimpiada ótpei turyp halyqaralyq baqylaýshylar Belarýstiń qajetti dárejede doping-test ótkizbegenin anyqtaǵan. Sol sebepti úsh atlet jarys bastalǵanǵa deiin jiberilmegen. Qurama basshylyǵy bastapqyda sprintke qatysýy tiis bolǵan Timanovskaiany estafetaǵa jibergen. Budan soń Belarýs memlekettik aqparat quraldary Timanovskaiany synai bastaǵan.
Belarýs olimpiada komiteti sportshynyń emotsionaldy-psihologiialyq kúiine bailanysty deportatsiia týraly sheshim qabyldanǵanyn málimdedi.
