بەلارۋس بيلٸگٸ سپورتشى كريستينا تيمانوۆسكايانى توكيوداعى وليمپيادادان دەپورتاتسييالاۋعا تىرىسىپ جاتىر. بۇل تۋرالى سپورتشى Reuters اگەنتتٸگٸنە حابارلادى.
سپورتشىنىڭ سٶزٸنە قاراعاندا, ول مينسكٸگە ورالماي, ەۋروپادان ساياسي باسپانا سۇراۋدى جوسپارلاپ وتىر.
2 تامىزدا تيمانوۆسكايا 200 مەترگە جٷگٸرۋ بويىنشا جارىسقا قاتىسۋى تيٸس بولعان. بٸراق ونىڭ سٶزٸنشە, جەكسەنبٸ كٷنٸ بٶلمەسٸنە قۇراما قىزمەتكەرلەرٸ كەلٸپ, كٷشپەن ەۋەجايعا الىپ كەتكەن.
ەۋەجايدا سپورتشى پوليتسيياعا شاعىمدانعان. بەلارۋس سپورت ىنتىماقتاستىق قورى تيمانوۆسكاياعا اراشا تٷسٸپ, حالىقارالىق وليمپيادا كوميتەتٸنە قايىرىلدى. كوميتەتتەن كٶمەكتٸ سپورتشىنىڭ ٶزٸ سۇراعان.
تيمانوۆسكايانىڭ پٸكٸرٸنشە, دەپورتاتسييا تۋرالى شەشٸمگە ەلەۋمەتتٸك جەلٸدە شەنەۋنٸكتەردٸ ٶتكٸر سىناپ, جازعان پوستى تٷرتكٸ بولعان.
وليمپيادا ٶتپەي تۇرىپ حالىقارالىق باقىلاۋشىلار بەلارۋستٸڭ قاجەتتٸ دەرەجەدە دوپينگ-تەست ٶتكٸزبەگەنٸن انىقتاعان. سول سەبەپتٸ ٷش اتلەت جارىس باستالعانعا دەيٸن جٸبەرٸلمەگەن. قۇراما باسشىلىعى باستاپقىدا سپرينتكە قاتىسۋى تيٸس بولعان تيمانوۆسكايانى ەستافەتاعا جٸبەرگەن. بۇدان سوڭ بەلارۋس مەملەكەتتٸك اقپارات قۇرالدارى تيمانوۆسكايانى سىناي باستاعان.
بەلارۋس وليمپيادا كوميتەتٸ سپورتشىنىڭ ەموتسيونالدى-پسيحولوگييالىق كٷيٸنە بايلانىستى دەپورتاتسييا تۋرالى شەشٸم قابىلدانعانىن مەلٸمدەدٸ.
