BelTA aqparat agenttigi 29 jeltoqsanda Belarýs aýmaǵyna Ýkraina jaqtan S-300 raketasy qulaǵanyn málimdedi. Agenttik málimetinshe, bul - Ýkraina raketasy.
Raketanyń qulaǵany birden Aleksand Lýkashenkoǵa habarlanǵan, ol tergeý komiteti men qorǵanys ministrligine onyń qulaý sebebin anyqtaýdy tapsyrǵan.
Al Belarýs qorǵanys ministrligi raketa qaldyqtary Brest oblysy Ivanov aýdany Gorbah aýylynyń mańynan tabyldy dep otyr. Ministrlik raketa Ýkraina aýmaǵynan jiberilgen dep sanaidy.
Zardap shekkender jaily aqparat joq. Kiev Minskiniń málimdemesine qatysty eshteńe degen joq.
29 jeltoqsanda Kiev Resei Ýkraina aýmaǵyn taǵy da raketamen jappai atqylaǵanyn habarlady.
Lýkashenko basqaryp otyrǵan Belarýstiń qazirgi biligi Ýkrainaǵa basyp kirgen Reseidiń basty odaqtasy sanalady.
