Aqan Sataev Serik Sápiev týraly kino túsiretin bolyp, oǵan akter izdep jatyr ǵoi. Biraq áýeli Bekzat týraly kino túsirilip bitýi kerek edi. Ótkende Bekzat týraly serial shyǵaiyn dep jatyr dedi. Biraq Bekzat týraly kinonyń tolǵaǵy pisip-jetilmei jatqanyna qansha ýaqyt... Bekzat týraly kino túsirý úshin Bekzat tiri bolyp, parlamentte depýtat bop otyrýy kerek pe?
Bekzat qanshama jasóspirimge úlgi bolatyn tulǵa edi. Onyń ómiri kinoǵa suranyp tur. Sol kinoǵa Bekzattyń gitaramen án salatyny, dombyra shertetini, geografiia pánin qyzyǵa oqityny, gúldi jaqsy kóretini de qosylsa jaqsy edi. Mysaly, Sataev kóshe arasyndaǵy tóbeles týraly kino da túsirdi ǵoi. Kóshe arasyndaǵy tóbelestiń kókesin sol Bekzattar kórgen shyǵar. Túrkistannyń ana basy men myna basyna jattyǵýǵa júgirip baryp kelýi de jasóskinge úlgi bolar edi. Bekzat arqyly táýelsizdik alǵan alǵashqy jyldardaǵy qazaq otbasylarynyń, qoǵamynyń qiyn jaǵdaiyn da kórsetýge bolar edi. Átteń, qaida ketpei jatqan aqsha Bekzatqa kelgende jetpei-aq qoidy. Eger Sápiev "Bekzattyń kinosy túsirilmei, men týraly kino shyqqanyn qalamaimyn" dese, seń qozǵalar ma edi. Shirkin-ai, qazaqtyń jigitteri bir-birin qoldap júrse ǵoi deisiń.
19 jylda Bekzat týraly kinonyń túsirilip bitpeýi uiat qoi, bylai qarasań. Osy amerikalyqtar, úndister jylt etken sportshysy shyqsa, ol týraly keremet kino túsirip tastaidy. Aýzyń ashylyp otyryp kóresiń. Ony kórgen bala sportpen qalai ainylyspasyn?! Al bizde bolmaǵyr komediialardy túsirip, qazaq kinosyn damytyp jatyrmyz deidi. Ishinde sabaq alar túk bolmasa da kinoteatrǵa baryp kóremiz. Ómiri daiyn kino adamdar týraly kino túsirýge kelgende qýrap qalamyz!
Jadyra Narmahanovanyń feisbýktegi jazbasynan
