اقان ساتاەۆ سەرٸك سەپيەۆ تۋرالى كينو تٷسٸرەتٸن بولىپ, وعان اكتەر ٸزدەپ جاتىر عوي. بٸراق ەۋەلٸ بەكزات تۋرالى كينو تٷسٸرٸلٸپ بٸتۋٸ كەرەك ەدٸ. ٶتكەندە بەكزات تۋرالى سەريال شىعايىن دەپ جاتىر دەدٸ. بٸراق بەكزات تۋرالى كينونىڭ تولعاعى پٸسٸپ-جەتٸلمەي جاتقانىنا قانشا ۋاقىت... بەكزات تۋرالى كينو تٷسٸرۋ ٷشٸن بەكزات تٸرٸ بولىپ, پارلامەنتتە دەپۋتات بوپ وتىرۋى كەرەك پە?
بەكزات قانشاما جاسٶسپٸرٸمگە ٷلگٸ بولاتىن تۇلعا ەدٸ. ونىڭ ٶمٸرٸ كينوعا سۇرانىپ تۇر. سول كينوعا بەكزاتتىڭ گيتارامەن ەن سالاتىنى, دومبىرا شەرتەتٸنٸ, گەوگرافييا پەنٸن قىزىعا وقيتىنى, گٷلدٸ جاقسى كٶرەتٸنٸ دە قوسىلسا جاقسى ەدٸ. مىسالى, ساتاەۆ كٶشە اراسىنداعى تٶبەلەس تۋرالى كينو دا تٷسٸردٸ عوي. كٶشە اراسىنداعى تٶبەلەستٸڭ كٶكەسٸن سول بەكزاتتار كٶرگەن شىعار. تٷركٸستاننىڭ انا باسى مەن مىنا باسىنا جاتتىعۋعا جٷگٸرٸپ بارىپ كەلۋٸ دە جاسٶسكٸنگە ٷلگٸ بولار ەدٸ. بەكزات ارقىلى تەۋەلسٸزدٸك العان العاشقى جىلدارداعى قازاق وتباسىلارىنىڭ, قوعامىنىڭ قيىن جاعدايىن دا كٶرسەتۋگە بولار ەدٸ. ەتتەڭ, قايدا كەتپەي جاتقان اقشا بەكزاتقا كەلگەندە جەتپەي-اق قويدى. ەگەر سەپيەۆ "بەكزاتتىڭ كينوسى تٷسٸرٸلمەي, مەن تۋرالى كينو شىققانىن قالامايمىن" دەسە, سەڭ قوزعالار ما ەدٸ. شٸركٸن-اي, قازاقتىڭ جٸگٸتتەرٸ بٸر-بٸرٸن قولداپ جٷرسە عوي دەيسٸڭ.
19 جىلدا بەكزات تۋرالى كينونىڭ تٷسٸرٸلٸپ بٸتپەۋٸ ۇيات قوي, بىلاي قاراساڭ. وسى امەريكالىقتار, ٷندٸستەر جىلت ەتكەن سپورتشىسى شىقسا, ول تۋرالى كەرەمەت كينو تٷسٸرٸپ تاستايدى. اۋزىڭ اشىلىپ وتىرىپ كٶرەسٸڭ. ونى كٶرگەن بالا سپورتپەن قالاي اينىلىسپاسىن?! ال بٸزدە بولماعىر كومەدييالاردى تٷسٸرٸپ, قازاق كينوسىن دامىتىپ جاتىرمىز دەيدٸ. ٸشٸندە ساباق الار تٷك بولماسا دا كينوتەاترعا بارىپ كٶرەمٸز. ٶمٸرٸ دايىن كينو ادامدار تۋرالى كينو تٷسٸرۋگە كەلگەندە قۋراپ قالامىز!
جادىرا نارماحانوۆانىڭ فەيسبۋكتەگٸ جازباسىنان
