Infektsiia juqtyrǵan almatylyqtardyń 82% kovidke qarsy ekpe almaǵandar. Bul týraly Óńirlik kommýnikatsiialar qyzmeti ortalyǵyndaǵy baspasóz máslihatynda qalanyń bas sanitarlyq dárigeri Jandarbek Bekshin málim etti, dep habarlaidy QazAqparat.

Jandarbek Bekshinniń aitýynsha, megapolistiń «jasyl» aimaqqa ótýine qala turǵyndary men túrli uiymdardyń karantindik shekteýlerdi saqtaýy sep boldy. 

«Jalpy, megapoliste koronavirýs ahýalynyń turaqtanýy jalǵasýda. Apta ishinde infektsiianyń jańadan 936 jaǵdaiy tirkeldi, ótken táýlikte koronavirýsty 128 adam juqtyrǵan. Aita ketetin jáit, infektsiia juqtyrǵandardyń 82% vaktsinalanbaǵan azamattar», - dedi ol. 

Almatynyń bas sanitarlyq dárigeriniń sózinshe, derttiń optimistik kórsetkishterine qaramastan, kovid balalar úshin qaýipti. 

«Sondyqtan 12 jastan asqan jasóspirimderdi belsendi vaktsinalaý óte mańyzdy. Jańa «delta»-nusqa balalar úshin óte qaýipti ári tez juǵady, eger ótken jyly 281 oqýshy juqtyrsa, osy jyldyń basynan beri juqtyrǵandar sany 15 039 jetti», - dedi spiker. 

Sonymen qatar, ol ýaqyt óte kele antidenelerdiń kontsentratsiiasy tómendeitinin tilge tiek etti. 

«Vaktsinalardyń alǵashqy dozalaryn alǵannan keiin 6 nemese 9 ai ótken soń KVI-ǵa qarsy revaktsinatsiia jasaý qajet», - dedi ol.