Almaty qalasynyń bas memlekettik sanitarlyq dárigeri Jandarbek Bekshinniń «Almaty qalasynda koronavirýs infektsiianyń aldyn alý jónindegi sharalar týraly» jańa qaýlysy jariialandy, dep habarlaidy «Ult aqparat».
Qaýlyǵa sáikes, mektepke deiingi mekemelerde qosymsha kezekshi toptardy ashý jáne qala mektepterinde 1-den 5-synypqa deiin qosymsha kezekshi synyptardy ashý toqtatyldy. Saýda obektileriniń (saýda jáne oiyn-saýyq ortalyqtary, saýda ortalyqtary, saýda jelileri, saýda úileri) jumys kúnderi jáne demalys, ne mereke kúnderi saǵat 23:00-ge deiin jumys isteýine ruqsat etiledi.
Sonymen qatar, azyq–túlik dúkenderi men bazarlardyń qyzmeti jumys jáne mereke, demalys kúnderi saǵat 17:00-ge deiin toltyrylýy 30%-dan aspaityn jáne bir kelýshige 4 sharshy metrden kem emes bolýy kerek. Týrizm obektileriniń jumysy testileý rejiminde belgilengen shekteý sharalaryn saqtai otyryp jalǵasady. «Medeý» sporttyq-saýyqtyrý ortalyǵy men «Shymbulaq» taý-shańǵy kýrortynyń qyzmetine ruqsat. «Medeý» muz aidynynyń ár sessiiada 750 adamnan qabyldaýyna bolady. Al «Shymbulaq» kýrortyna kelýshilerdiń sany 30% -dan aspaýy tiis.
Kóńil kóterý mekemeleriniń (karaoke, biliard, kompiýterlik, túngi klýbtar men oiyn klýbtary, boýling ortalyqtary, balalar sporty men oiyn alańdary, attraktsiondar, batýttar jáne býkmekerlik keńseler men lotereialyq klýbtardyń) qyzmetine tyiym salynady; Banket jáne basqa da shara ótkizýge tyiym salynady. Qaýlynyń tolyq mátinin myna jerden taba alasyz.
