Almatyda úndi shtamynyń taralýyna bailanysty koronavirýstyń tórtinshi tolqyny bastaldy. Bul týraly Almaty qalasynyń bas sanitarlyq dárigeri Jandarbek Bekshin aitty, dep habarlaidy "Ult aqparat".
«Epidemiologiialyq ahýaldyń nasharlaýynyń basty sebebi virýstyń jańa shtamdarynyń paida bolýy. Derttiń kúrt ósýin koronavirýstyń «tórtinshi tolqyny» dep ataýǵa bolady. Biz indetke qarsy tura alamyz, qazirdiń ózinde 3 500 tósek-oryn daiyndaldy. Búgingi kúni naýqastarǵa arnalǵan 1 760 tósek-oryn bar. Olardyń sanyn 35%-ǵa arttyramyz», – dedi Jandarbek Bekshin.
Sonymen qatar, ol Almaty epidemiologtary koronavirýs infektsiiasyn juqtyrýdyń eń yqtimal oryndaryn anyqtaǵanyn jetkizdi.
«Mysaly, otbasylyq sharalar, toilar, mereitoilar, eske alý keshteri 1,7%. Sondai-aq túngi klýbtarǵa kelýshiler, karaoke oryndary 0,2%-ǵa ósken. Al ASHYQ jobasyna qatysatyn nysandarda infektsiia tirkelmegen. Bul rette otbasylarda juqtyrýdyń úles salmaǵy – 25%, saýda nysandarynda – 23%, qoǵamdyq kólikte qatynaý – 16,7%, buqaralyq is-sharalarǵa qatysý kezinde – 6%», - deidi ol.
Jandarbek Bekshin megapolis turǵyndary men qonaqtaryna demalys jáne mereke kúnderi buqaralyq is-sharalarǵa, klýbtarǵa barýdan bas tartýǵa, sanitarlyq normalardy saqtaýǵa shaqyrdy.
