الماتىدا ٷندٸ شتامىنىڭ تارالۋىنا بايلانىستى كوروناۆيرۋستىڭ تٶرتٸنشٸ تولقىنى باستالدى. بۇل تۋرالى الماتى قالاسىنىڭ باس سانيتارلىق دەرٸگەرٸ جانداربەك بەكشين ايتتى, دەپ حابارلايدى "ۇلت اقپارات".
«ەپيدەميولوگييالىق احۋالدىڭ ناشارلاۋىنىڭ باستى سەبەبٸ ۆيرۋستىڭ جاڭا شتامدارىنىڭ پايدا بولۋى. دەرتتٸڭ كٷرت ٶسۋٸن كوروناۆيرۋستىڭ «تٶرتٸنشٸ تولقىنى» دەپ اتاۋعا بولادى. بٸز ٸندەتكە قارسى تۇرا الامىز, قازٸردٸڭ ٶزٸندە 3 500 تٶسەك-ورىن دايىندالدى. بٷگٸنگٸ كٷنٸ ناۋقاستارعا ارنالعان 1 760 تٶسەك-ورىن بار. ولاردىڭ سانىن 35%-عا ارتتىرامىز», – دەدٸ جانداربەك بەكشين.
سونىمەن قاتار, ول الماتى ەپيدەميولوگتارى كوروناۆيرۋس ينفەكتسيياسىن جۇقتىرۋدىڭ ەڭ ىقتيمال ورىندارىن انىقتاعانىن جەتكٸزدٸ.
«مىسالى, وتباسىلىق شارالار, تويلار, مەرەيتويلار, ەسكە الۋ كەشتەرٸ 1,7%. سونداي-اق تٷنگٸ كلۋبتارعا كەلۋشٸلەر, كاراوكە ورىندارى 0,2%-عا ٶسكەن. ال ASHYQ جوباسىنا قاتىساتىن نىسانداردا ينفەكتسييا تٸركەلمەگەن. بۇل رەتتە وتباسىلاردا جۇقتىرۋدىڭ ٷلەس سالماعى – 25%, ساۋدا نىساندارىندا – 23%, قوعامدىق كٶلٸكتە قاتىناۋ – 16,7%, بۇقارالىق ٸس-شارالارعا قاتىسۋ كەزٸندە – 6%», - دەيدٸ ول.
جانداربەك بەكشين مەگاپوليس تۇرعىندارى مەن قوناقتارىنا دەمالىس جەنە مەرەكە كٷندەرٸ بۇقارالىق ٸس-شارالارعا, كلۋبتارعا بارۋدان باس تارتۋعا, سانيتارلىق نورمالاردى ساقتاۋعا شاقىردى.
