Elimizdegi Mańǵystaý, Atyraý jáne Batys Qazaqstan oblystarynda «Bekire–2020» balyq qorǵaý aktsiiasy kezinde 13,9 tonna balyq zańsyz ainalymnan alyndy, dep habarlaidy "Ult aqparat"
Atyraý oblystyq orman sharýashylyǵy jáne janýarlar dúniesi aýmaqtyq inspektsiiasynyń resmi ókili Olek Týshkanovtyń málimetinshe, atalǵan aktsiia kezinde 759 quqyq buzýshy ákimshilik jaýapkershilikke tartylǵan.
Sondai-aq, 33 qylmystyq is qozǵalǵan. Sonyń nátijesinde 13 mln teńge aiyppul salynǵan.
«Zańsyz saýda ainalymynan 13,9 tonna balyq alyndy. Onyń ishinde 943,9 keli bekire tuqymdas balyq bar. Sonymen birge, 16,34 keli qara ýyldyryq, 439 aý jaraǵy, 119 júzý quraly tárkilendi» -deidi Oleg Týshkanov.
Eske sala ketelik, budan buryn Atyraý politsiiasy jarty tonnadan astam bekire tielgen kólikti ustady.
