«Bekire-2021» aktsiiasy barysynda zańsyz aýlanǵan 14,6 tonna balyq tárkilenip, 20 qylmystyq is qozǵaldy. Bul týraly QR Ekologiia, geologiia jáne tabiǵi resýrstar ministrliginen málim etti, dep habarlaidy QazAqparat.
30 naýryzda QR Ekologiia, geologiia jáne tabiǵi resýrstar, Ishki ister ministrlikteri men QR Ulttyq qaýipsizdik komiteti «Oral-Kaspii basseininiń sý aidyndarynda «Bekire-2021» keń aýqymdy balyq qorǵaý aktsiiasyn ótkize bastady.
Aktsiia bastalǵannan beri Jaiyq-Kaspii oblysaralyq basseindik balyq sharýashylyǵy inspektsiiasynyń inspektorlary quqyq qorǵaý, tabiǵat qorǵaý organdarynyń jáne QR UQK Shekara qyzmetiniń qyzmetkerlerimen birlesip, tabiǵat qorǵaý zańnamasyn buzýdyń 360 deregin anyqtady. Sonyń nátijesinde 210 adam ákimshilik jaýapkershilikke tartyldy.
«Sonymen qatar, 33 material sot organdaryna joldandy, brakonerlikpen ainalysý jáne sirek kezdesetin, joiylyp ketý qaýpi tóngen balyq túrleriniń zańsyz ainalymy faktileri boiynsha 20 qylmystyq is qozǵaldy. Tártip buzýshylarǵa 3,4 mln teńge aiyppul salyndy.
Zańsyz ainalymnan 14,6 tonna balyq alyndy, onyń ishinde 551,5 kg bekire tuqymdas balyq túrleri bar. Budan bólek, 152 dana aýlaý quraly, 11 avtomobil jáne 28 sý kóligi tárkilendi.
Ózen arnasy men teńiz akvatoriiasyn kúndelikti tekserý nátijesinde sý qoimalarynan jalpy uzyndyǵy 40 km-ge jýyq 438 birlik zańsyz balyq aýlaý quraldary alyndy», - dedi QR Ekologiia, geologiia jáne tabiǵi resýrstar ministrliginiń baspasóz qyzmetinen.
Aktsiia 2021 jyldyń 31 mamyryna deiin jalǵasady.
