Foto: © Sputnik / Aisýlý Jýmagýlova
Sot Mekkege barǵysy kelgenderdi sergeldeńge salǵan Kausar Travel týrfirmasynyń direktoryna úkim shyǵardy, dep habarlady Sputnik Qazaqstan agenttigi "OTYRAR" portalyna silteme jasap.
Oǵan júzdegen qazaqstandyqty aldady degen aiyp taǵyldy.
Mekke men Medinaǵa barǵysy kelgen qajylardyń árqaisysy kem degende myń dollardan tólegen. Olardyń keibireýi Qazaqstannan ushyp kete almady, al keibiri shet elge baryp alyp, baspanasyz, aqshasyz jáne ash qalǵan.
Kúdiktiler sot protsesi bastalmai turyp jýrnalisterge suhbat berip, máseleni túsindirmek bolǵan.
"Men Ulttyq qaýipsizdik komitetine, Shymkent politsiia departamentine jáne ózge instantsiialarǵa aryz jazdym. Is boiynsha Bekbolat Tileýhanov ta ótýge tiis bolǵan. Ol aldanǵan adamdardyń barlyq aqshasyn alyp ketti, biraq qandai da bir sebeptermen is boiynsha odan jaýap alynbady", - dedi sottalýshy sot protsesi bastalǵanǵa deiin.
300-ge jýyq qajy kýá retinde tartyldy. Zardap shekkender aldanǵandardyń odan da kóp bolýy múmkin ekenin aitty. Sot jaryssózinde prokýror aiyptalýshyny 4 jyl 8 aiǵa bas bostandyǵynan aiyrýdy surady.
"Sot úkimimen sottalýshy kináli dep tanylyp, 6 jylǵa bas bostandyǵynan aiyryldy. Ol jazasyn ortasha qaýipsizdik mekemesinde óteidi", - dedi sýdia Ainel Oraqbaeva.
Týrfirma direktory óz kinásin moiyndamady jáne ókinbedi.
Esterińizge sala keteiik, janjal osy jyldyń qańtarynda bolǵan. Al sot protsesi shilde aiynda bastaldy. Shamamen eki ai boiy sýdia osy is boiynsha zardap shekkender men kýágerlerden jaýap aldy.
