Májilis depýtaty Bekbolat Tileýhan tómengi palata tóraǵasynyń orynbasary Vladimir Bojkonyń atyshýly sózine qatysty pikir bildirdi, dep habarlaidy Sputnik Qazaqstan.
Jýyrda Vladimir Bojko "halyq áleýmettik kómekti kóbeitkeni úshin memleket aldynda tizerlep turyp alǵys aitýy kerek" degen bolatyn. Májilis vitse-spikeriniń bul sózi jelide qyzý talqylanyp, qazaqstandyqtardyń ashýyn týǵyzdy.
"Halyqty tizerletý degen adamnyń aqylyna syiatyn nárse emes", - dep qysqa qaiyrdy Tileýhan ulttyq qoǵamdyq senim keńesiniń otyrysynan keiin.
Al úkimet basshysynyń orynbasary Berdibek Saparbaevtyń oiynsha, Bojko bul sózdi "baiqamai aityp qalǵan".
Buǵan deiin aqparat jáne qoǵamdyq damý ministri Dáýren Abaev ta "Otkrytyi dialog" baǵdarlamasynda buǵan túsinikteme bergen edi.
Ministrdiń pikirinshe, Vladimir Bojko emotsiiaǵa berilip, oiyn durys jetkize almaǵan. Abaev ony qazaq jeriniń naǵyz patrioty dep atady.
