Depýtattar Almaty oblysynda qaraqshylardyń qolynan qaza tapqan úsh aǵaiyndynyń jetim-jesirine qarjylai kómek berýdi talap etti. Alaida, aqshany kimnen qalai alatyny ázirge belgisiz. Bul týraly KTK habarlady.
Bekbolat Tileýhan, Májilis depýtaty:
- 8 bala jetim qaldy dedi. Kún kórisine jan-jaqty kómek kórsetý bizdiń mindetimiz dep oilaimyn. Járdemaqy, basqa da materialdyq kómek kórsetý kerek bolsa, demeýshilerdi tartyp az da bolsa qaiǵysyn azaitý mindetimiz.
Bekbolat Tileýhan mal urlaǵandarǵa jazany qataitýdy da usyndy. Tipti ol úshin arnaiy zań ázirleý qajet. Óitkeni, jurttyń jyldar boiy jiǵan tórt túliginiń taban asty qoldy bolýy – aýyldaǵy sharýalarǵa jasalǵan úlken qiianat deidi depýtat. Sondyqtan, Ishki ister ministrinen elimizdegi mal urlyǵynyń aldyn alý úshin shuǵyl shara qoldanýdy talap etti. Esterińizge salsaq, ótken aptada Almaty oblysynda turatyn Jarqynbek, Qadilbek, Muqiiat esimdi úsh aǵaiyndy Uzynaǵashtaǵy mal bazaryna 40 bas siyr satýǵa shyǵyp, ushty-kúili joǵalyp ketken bolatyn. Keiin olardyń janǵan kólikteri, artynan qaraýsyz qalǵan qoradan máiitteri tabyldy. Ázirge osy qylmysqa qatysy bar 2 adam ustalyp, tergeýshiler aldynda jaýap berip jatyr.
.jpeg)