Májilis depýtaty Bekbolat Tileýhan Qazaqstandaǵy bilim berý júiesin qatań synǵa aldy.
"Másele júiede. Júie – qaskói júie. Mundai jaman júie joq. Talai problema bar. Jumyssyzdyqty aityp jatyrmyz. Jemqorlyqty aitamyz. Masyldyq deimiz. Elimjandyqtyń joqtyǵy deimiz. Osynyń bári de problema shyǵar. Biraq bul bilim júiesinen mańyzdy problema bizdiń urpaq úshin joq", - dedi Bekbolat Tileýhan Qazaqstan telearnasyndaǵy "Ashyq alań" baǵdarlamasynda.
Májilis depýtatynyń pikirinshe, keleshek urpaq úshin bilim berý júiesin túbegeili ózgertý kerek.
"Adamnyń ómir jolynyń tabaldyryǵy mektep bolsa, mekteptiń jany muǵalim bolsa, muǵalimniń quraly oqýlyq bolsa, oqýlyqtyń basy oqý baǵdarlamasynan bastalatyn bolsa, osy búkil tsikldi jasaǵan kezde, bilesiz be qandai júiemen jasalyp jatqanyn? Al endi bul jerde júieni túbegeili ózgertý kerek. Júie ózgermei, bul daý – eshqashan taýsylmaityn daý", - dep kesip aitty ol.
Al "júieni kim ózgertýi kerek?" degen suraqqa Bekbolat Tileýhan halyq ózgertýi tiis dep jaýap berdi. Júrgizýshi "ol ministrdiń qolynda emes pe" dep edi, májilis depýtaty jańadan kelgen bilim ministri men vitse-ministrge de aitý qajettigin atap ótti.
