Almaty oblysynyń Talǵar aýdandyq sotynda áýejai mańynan zańsyz jer bergen eks-sheneýnikterdiń isi qaralyp jatyr.
Búgin prokýror olardy 4 jyldan 6 jylǵa bas bostandyǵynan aiyrý jazasyn surady, - dep habarlaidy "Ult aqparat".
Alty adam sottalyp jatyr. Onyń beseýi eks-sheneýnikter. Olar Rýstam Turysbekov, Jaras Mashimbaev, Berik Abdýllaev, Medeý Qalybekov, Qairat Altynbekuly jáne rieltor Nuraiym Aldanish. Rieltor qamaýda otyr. Al burynǵy sheneýnikter úi qamaqta. Búgin atalǵan is boiynsha jaryssóz boldy. Prokýror sottalýshylarǵa kelesidei jaza surady. Rýstam Turysbekovke - 6 jyl qaýipsizdik deńgeii tómen túzeý mekemesinde jazasyn óteýge jáne 7 jyl memlekettik qyzmette jumys isteý quqyǵynan aiyrýdy, Jaras Mashimbaevty - 4 jylǵa bas bostandyǵynan jáne ony da 7 jylǵa memlekettik qyzmette jumys isteý quqyǵynan aiyrýdy surady. Sondai-aq Qairat Altynbekulyn 5 jyl bas bostandyǵynan aiyrýdy jáne 6 jyl memlekettik qyzmette isteýge tyiym salyndy. Medeý Qalybekov - 4 jyl, Berik Abdýllaevqa - 4,5 jyl, al reeltor Nuraiym Aldanishty 5 jylǵa bas bostandyǵynan aýyrý jazasyn surady.
Prokýrordyń sózinshe, zańsyz turǵyn úilerdi salý boiynsha sottalýshylardyń kinási qujatpen dáleldengen jáne kýágerlerdiń de dáleli bar. Sondai-aq memlekettik aiyptaýshy barlyq úiqamaqta otyrǵan burynǵy sheneýnikterdi sot zalynda qamaýǵa alýdy surady.
Esterińizge sala keteiik, 2019 jyldyń 27- jeltoqsanyńda «Bek Air» áýe kompaniiasynyń ushaǵy apatqa ushyrady. Almaty-Nur-Sultan baǵytyndaǵy ushaq biiktikti saqtai almai, beton qorshaýyn buzyp ótken. Artynsha eki qabatty turǵyn úige soǵyldy, 12 adam mert boldy, 69 adam zardap shekti. Onyń 51-i aýrýhanaǵa tústi.
