QR Premer-Ministriniń orynbasary Roman Skliar Almaty túbinde apatqa ushyraǵan ushaqtyń qara jáshiginen aqparattar qashan jariia etiletindigin málimdedi, dep habarlaidy "Ult aqparat".
«Ol qatty búlinbegen. Sondyqtan ondaǵy jazbalardyń mán-jaiyn tarqatýda másele týyndamaityndyǵyna úmit artamyz. Qara jáshik Máskeýdegi memleketaralyq aviatsiia komitetine jiberildi. Olar ereke kúnderi de jumys istep, tarqatylǵan mán-jaidy bizge tabystaýǵa ýáde berip otyr. Buǵan deiin aitqanymyzdai, 10 qańtarǵa deiin tekserýdiń aldyn ala nátijesin beretin bolamyz», - dedi ol Úkimet otyrysynan keiin BAQ ókilderine bergen suhbatynda.
Atap ótsek, qaiǵyly oqiǵa 27 jeltoqsan tańerteń boldy. Bek Air áýe kompaniiasynyń "Almaty – Nur-Sultan" baǵytyndaǵy Fokker 100 ushaǵy Almaty mańyna qulady.
Ushaqta 93 jolaýshy men 5 ekipaj múshesi bolǵan. Apat 12 adamnyń ómirin qidy, qaza bolǵandardyń ishinde ushaq komandiri bar. Ekinshi ushqysh qazir aýrýhanada jansaqtaý bóliminde jatyr.
Prezident tapsyrmasymen Premer-ministr jetekshilik etetin komissiia quryldy. Toqaev apattyń sebebin anyqtap, kinálilerdi qatań jazalaýdy tapsyrdy. 28 jeltoqsan elimizde jalpyulttyq aza tutý kúni bolyp jariialandy.
