Kelesi aptadan bastap kásipkerlik nysandarynyń jumys ýaqyty uzarýy múmkin, dep habarlaidy "Ult aqparat".
Búgin QR Premer-ministriniń orynbasary Eraly Toǵjanov Nur-Sultandaǵy saýda nysandaryn aralap shyqqan bolatyn. Onyń barysynda kásipkerler saýda jáne oiyn-saýyq ortalyqtary men saýda úileriniń jumys rejimin saǵat 22:00-ge deiin, al bazarlardyń jumys rejimin saǵat 20:00-ge deiin ulǵaitý múmkindigin qarastyrý jóninde bastama kóterdi.
Eraly Toǵjanov Densaýlyq saqtaý ministrligine jaqyn arada ótetin COVID-19 taralýyna jol bermeý jónindegi VAK-ta saýda nysandarynyń jumys ýaqytyn ulǵaitý boiynsha kásipkerlerdiń barlyq usynystaryn shyǵarýdy tapsyrdy.
«Osy aptada ótetin úkimettik komiiassiia otyrysynda naqty sheshim qabyldanady», - dedi Eraly Toǵjanov.
Koronavirýstyń taralýyna jol bermeý jónindegi vedomstvoaralyq memlekettik komissiianyń málimetinshe, eldegi epidjaǵdai jaqsy bolsa, taǵy birqatar biznestiń jumysy qaita jandanbaq.
