Aram ólgen maldyń eti bazarlarda satylyp jatyr degen aqparat shyndyqqa janaspaidy. Bul týraly Úkimette ótken baspasóz máslihatynda QR Aýyl sharýashylyǵy vitse-ministri Tóleýtai Raqymbekov málim etti, dep habarlaidy "Ult aqparat" QazAqparat agenttigine silteme jasap.
«Bul aqparatqa senýge bolmaidy. Sońǵy kezderi áleýmettik jelilerde túrli qaýesetter tarap jatyr, onyń ishinde densaýlyq saqtaý, bilim berý júiesine qatysty shyndyqqa janaspaityn aqparattar bar. Bazarlarda tiisti bizdiń veterinarlyq qyzmetter jumys isteýde. Sondyqtan olardyń ruqsatynsyz et satylmaidy», - dedi Raqymbekov.
Esterińizge sala keteiik, taiaýda áleýmettik jeliler men messendjerde sý tasqyny bolǵan aimaqtarda aram ólgen maldyń eti bazarlarda satylyp jatyr degen aqparat taraǵan bolatyn. Osy oraida mal etin satyp alarda asa saqtyqpen tekserip alý týraly eskertýler aitylǵan edi.
