«Báiterek» ulttyq basqarý holdinginiń jańa tóraǵasy bolyp Aidar Áriphanov taǵaiyndaldy, dep habarlaidy "Ult aqparat" holdingtiń baspasóz qyzmetine silteme jasap.
Aidar Áriphanovtyń memlekettik basqarý jáne ekonomikalyq saiasat salasynda 20 jyldan astam eńbek tájiribesi bar.
Aidar Áriphanov Qazaq memlekettik basqarý akademiiasyn bitirgen, QR SIM Diplomatiialyq akademiiasyn úzdik aiaqtady. «Bolashaq» prezidenttik baǵdarlamasynyń aiasynda Kolýmbiia ýniversitetin bitirip, 2008 jyly ekonomikalyq saiasatty basqarý baǵdarlamasy boiynsha memlekettik ákimshilendirý magistri dárejesin aldy.
Ár jyldary ol QR Qarjy vitse-ministri, QR Premer-Ministri Keńsesi basshysynyń orynbasary, QR Eńbek jáne áleýmettik qorǵaý vitse-ministri, QR Premer-Ministriniń keńesshisi, QR Aqparattandyrý jáne bailanys agenttigi tóraǵasynyń orynbasary, «Qazaqtelekom» AQ basqarýshy direktory boldy.
2011 jylǵy mamyrdan bastap «Qazatomónerkásip» UAK» AQ basqarmasy tóraǵasynyń ekonomika jáne qarjy jónindegi orynbasary laýazymyn atqardy.
