Premer-Ministr Asqar Mamin «Báiterek» ulttyq basqarýshy holdingi» AQ Direktorlar keńesiniń otyrysyn ótkizdi, dep habarlaidy primeminister.kz saity.
Otyrysta Memleket basshysy Qasym-Jomart Toqaevtyń Jumyspen qamtýdyń jol kartasyn uzartý jáne osy baǵdarlamany jalpy somasy 200 mlrd teńgege qosymsha qarjylandyrý jónindegi tapsyrmalaryn iske asyrý aiasynda obligatsiialyq qaryzdardyń sharttary qaraldy. Qarajat «Qazaqstan turǵyn úi kompaniiasy» AQ, «Agrarlyq nesie korporatsiiasy» AQ, «Qazaqstannyń damý banki» AQ jáne «Qazyna kapital menedjment» AQ enshiles uiymdary arqyly agroónerkásip keshenin, infraqurylym men biznesti qarjylandyrýǵa jumsalady. Direktorlar keńesi 2020 jylǵa jyldyq esepti jáne 2023 jylǵa deiingi túzetilgen Damý josparyn bekitti.
Holdingtiń 2020 jylǵy shoǵyrlandyrylǵan aktivteri 6 trln 813 mlrd teńgeni qurap, 23,4%-ǵa artty. Bul rette «Báiterek» holdinginiń taza tabysy 73,1 mlrd teńge mólsherinde alyndy, bul 2019 jylmen salystyrǵanda 42%-ǵa artyq. Kredittik jáne investitsiialyq portfelderdiń úlesi 78,5%-ǵa jetti, al tartylǵan qorlandyrý kólemi bir jyl ishinde 1 trln 596 mlrd teńgeni qurady. 609,4 mlrd teńge nemese respýblika boiynsha ipotekalyq kreditterdiń jalpy kóleminiń 58%-y somasyna ipotekalyq kreditter berildi.
