پرەمەر-مينيستر اسقار مامين «بەيتەرەك» ۇلتتىق باسقارۋشى حولدينگٸ» اق ديرەكتورلار كەڭەسٸنٸڭ وتىرىسىن ٶتكٸزدٸ, دەپ حابارلايدى primeminister.kz سايتى.
وتىرىستا مەملەكەت باسشىسى قاسىم-جومارت توقاەۆتىڭ جۇمىسپەن قامتۋدىڭ جول كارتاسىن ۇزارتۋ جەنە وسى باعدارلامانى جالپى سوماسى 200 ملرد تەڭگەگە قوسىمشا قارجىلاندىرۋ جٶنٸندەگٸ تاپسىرمالارىن ٸسكە اسىرۋ اياسىندا وبليگاتسييالىق قارىزداردىڭ شارتتارى قارالدى. قاراجات «قازاقستان تۇرعىن ٷي كومپانيياسى» اق, «اگرارلىق نەسيە كورپوراتسيياسى» اق, «قازاقستاننىڭ دامۋ بانكٸ» اق جەنە «قازىنا كاپيتال مەنەدجمەنت» اق ەنشٸلەس ۇيىمدارى ارقىلى اگروٶنەركەسٸپ كەشەنٸن, ينفراقۇرىلىم مەن بيزنەستٸ قارجىلاندىرۋعا جۇمسالادى. ديرەكتورلار كەڭەسٸ 2020 جىلعا جىلدىق ەسەپتٸ جەنە 2023 جىلعا دەيٸنگٸ تٷزەتٸلگەن دامۋ جوسپارىن بەكٸتتٸ.
حولدينگتٸڭ 2020 جىلعى شوعىرلاندىرىلعان اكتيۆتەرٸ 6 ترلن 813 ملرد تەڭگەنٸ قۇراپ, 23,4%-عا ارتتى. بۇل رەتتە «بەيتەرەك» حولدينگٸنٸڭ تازا تابىسى 73,1 ملرد تەڭگە مٶلشەرٸندە الىندى, بۇل 2019 جىلمەن سالىستىرعاندا 42%-عا ارتىق. كرەديتتٸك جەنە ينۆەستيتسييالىق پورتفەلدەردٸڭ ٷلەسٸ 78,5%-عا جەتتٸ, ال تارتىلعان قورلاندىرۋ كٶلەمٸ بٸر جىل ٸشٸندە 1 ترلن 596 ملرد تەڭگەنٸ قۇرادى. 609,4 ملرد تەڭگە نەمەسە رەسپۋبليكا بويىنشا يپوتەكالىق كرەديتتەردٸڭ جالپى كٶلەمٸنٸڭ 58%-ى سوماسىنا يپوتەكالىق كرەديتتەر بەرٸلدٸ.
