"Báiterek" ulttyq basqarýshy holdingi men "Sberbank" toby "Sberbank Qazaqstandaǵy" ("Sberbank" AQ EB) Sber aktsiialarynyń barlyq paketin satyp alý-satý mámilesine qol qoidy, - dep habarlaidy "Ult aqparat" holdingtiń baspasóz qyzmetine silteme jasap.
"Sberbank" qazirgi geosaiasi jaǵdaidy basshylyqqa ala otyryp jáne enshiles bank klientteriniń múddesi úshin áreket ete otyryp, qazaqstandyq naryqtan shyǵý týraly sheshim qabyldaǵan.
"Sberbank Qazaqstan" ótimdiliktiń jetkilikti qoryna, joǵary sapaly kredittik qorjynyna ie jáne kóptegen jyl boiy Qazaqstan qarjy naryǵynyń negizgi qatysýshylarynyń biri sanaldy.
"Sberbank Qazaqstandy" satyp alý týraly sheshim qabyldai otyryp, "Báiterek" holdingi onyń eldiń qarjy júiesi úshin joǵary mańyzdylyǵyn baǵalady. Bank ielenetin qazirgi zamanǵy infraqurylym men tehnologiialar qysqa merzimde bankti tolyqqandy jumysqa qaitarýǵa jáne Qazaqstan ekonomikasynyń naqty sektoryn qarjylandyrýdy bastaýǵa múmkindik beredi", - delingen habarlmada.
Bank óziniń klientter aldyndaǵy barlyq mindettemesin oryndaýdy jalǵastyrady. Klientter úshin bank ónimderi boiynsha barlyq shart ózgerissiz qalady.
"Mámile bankke belsendi operatsiialardy tolyq kólemde jańartýǵa, depozitter tartýǵa jáne tólemder júrgizýge, sondai-aq halyq pen biznes úshin ónimder men qyzmetterdi damytýdy jalǵastyrýǵa múmkindik beredi.
Qazaqstan naryǵynda klienttermen ózara is-qimyldyń 15 jyldan astam tájiribesi jinaqtalǵan "Sberbank Qazaqstan" qyzmetkerleriniń kásibi komandasy óz jumysyn jalǵastyratyn bolady", - delingen habarlamada.
Taraptar mámileni jaqyn arada jabýdy josparlap otyr.
