Astanada qalanyń basty simvoly - "Báiterek" monýmentine bastalǵan kúrdeli jóndeý jumystary aiaqtalýǵa jaqyn. Qazirgi kúni árleý jumystary júrgizilip jatyr. Qurylysshylar jóndeýdi merziminde - Astana EKSPO kórmesi bastalǵanǵa deiin aiaqtaýdy kózdep otyr, - dep habarlaidy "Ult aqparat" Astana ákimdiginiń saityna silteme jasap.
Monýmenttiń jóndeýden keiin qalai ózgeretinin jáne meimandardy nesimen tańǵaldyratyny týraly Astana ákimdiginiń media ortalyǵynyń tilshisine bergen suhbatynda mádeniet oshaǵynyń jóndeý jumysymen ainalysatyn kompaniia ókili Baýyrjan Saǵdiev baiandap berdi.
"Bul nysan tutas qalanyń simvoly bolǵandyqtan qyzyqty. Ári dizainerlik sheshimi de erekshe. Sondyqtan dizainerlerdiń ideiasyn tolyq júzege asyrýǵa tyrystyq. Joba dizainyna sáikes nysan 95 paiyzǵa daiyn. Jalpy, monýmenttiń kúrdeli jóndeý jumysy 10 maýsymǵa deiin aiaqtalady", - dedi Saǵdiev.
Elimizdiń basty simvolynyń kúrdeli jóńdeý jumysy biylǵy jyldyń basynda bastaldy. Jiyrma jylǵa jýyq ýaqyt ishinde jóndeý kórmegen nysannyń estetikalyq kelbeti kómiskilenip ketti. Budan bylai kelýshiler nysannyń kúmbezinen jańa kórinisti tamashalai alady.
"Biz jeldetkish, aýa ótkizgish, santehnikanyń barlyǵyn jańasyna aýystyrdyq. Aýa baptaǵyshtary bar. Dizainer stili men mazmunyn ózgertti. Ózgeristi nysannyń ishinen ǵana emes, qasbetinen-aq baiqaýǵa bolady", - dedi ol.
Kúrdeli jóndeýge bailanysty monýment jumysy tolyǵymen toqtatyldy. Nysannyń tústik úilesimi - aq jáne altyn reńkti bolyp qaldy. Jóńdeýge 100-ge jýyq adam jumyldyrylǵan. Nysandaǵy tozyǵy jetken ári shytynaǵan shynypaketteri jańasyna aýystyryldy. Italiialyq tehnologiiamen ázirlengen shyny vitrajdary qaqaǵan aiaz ben aptap ystyqqa shydap uzaq qyzmet etýi tiis.
"Barlyǵyn almastyrdyq. Kúrdeli jumys isteldi. Shyny paketteri Italiiada jasalǵan. Óte sapaly. Ol altyndanǵan, sirek kezdesetin shyny", - dedi merdiger kompaniianyń ókili.
Jobaǵa sáikes, 18 shyny paketi aýystyryldy. Sonymen birge jedelsaty shahtasy baǵandarynyń shyny paketterin aýystyrýdyń keshendi sharalary júzege asyryldy. Jylý shyǵynyn azaitý úshin energiia únemdeitin eki qabatty shynypaketter ornatyldy. Oǵan qosa shynyny shytynaýdan saqtap joǵary temperatýrada jumys isteitin arnaiy qurylymdy silikondy qymtaqtar paidalanyldy.
"Shynylardyń arasy jylýdy saqtap turatyn arnaiy gazben toltyrylǵan. Ǵimarattyń ishine kúrdeli jóndeýden góri árleý jumystary kóp júrgizildi. Iaǵni, eden tósemin mármárdan tósedik. Tóbesi aýyr keskindemeden turady, aǵash, MDF jáne kópdeńgeili tósemder paidalanyldy", - dedi ol. Tegter: Astana, sońǵy jańalyqtar "El jańalyqtary" aidaryndaǵy basqa jańalyqtar : Baýyrjan Mýsinniń qamaý merzimi uzartyldy Almaty kóshelerinde tramvai relsteri alyp tastalady EXPO-2017 resmi saitynda Limp Bizkit, Eros Ramazotti jáne Bi-2 kontsertteriniń biletteri paida boldy "Jabaiy" kabriolet Jeli qoldanýshylaryn kúldirdi Atyraýda 79 urpaq taratqan otbasy marapattaldy
